Pas vendimit të Gjykatës së Tiranës për të dënuar për shpifje ndaj kreut të bashkisë së Tiranës, deputeten e PD Albana Vokshi. Kjo e fundit ka reaguar duke thënë se ky vendim është absurd.
“Është aq absurd ky vendim, saqë nga njëra anë më bën me faj pse kam denoncuar aktivitetin e paligjshëm të Erion Velisë, nga ana tjetër rrëzon kërkesën e tij që unë të bëj përgënjeshtrim.Unë jam e qetë, sepse e di që kam mbrojtur interesin publik dhe jam bërë zëri i mijëra prindërve, të dhunuar në të drejtat e tyre nga Kryetari mashtrues i Bashkisë se Tiranës. Në ketë betejë nuk kam për të bërë asnjë hap pas”, – u shpreh Vokshi.
Disa muaj më parë Partia Demokratike publikoi disa dokumenta për të treguar se Erion Veliaj, po mblidhte të dhënat personale të prindërve nga kopshtet dhe çerdhet me synim përdorimin e tyre në fushatë elektorale.
PD disponon dokumente të tjerë zyrtarë që vërtetojnë se Kryetari i Bashkisë Erion Veliaj vazhdon të shkelë ligjin duke mbledhur të dhënat personale të prindërve të fëmijëve, që regjistrohen në arsimin parashkollor. Për këtë jemi duke bërë gati denoncimin dhe padinë kundër Kryetarit të Bashkisë së Tiranës”, – njoftoi deputetja Vokshi. /atsh
