Ministri i Brendshëm Sandër Lleshaj ka reaguar pas deklaratave të kreut të PD, Lulzim Basha. Në reagimin e tij, ministri shprehet se ka qenë pikërisht Basha në kohën kur ka mbajtur postin e ministrit të Brendshëm që lejoi lulëzimin e kanabisit në Lazarat.
“Nga gropa ku zhytet thellë e më thellë dhe bërtet fort e më fort, Lulzim Basha paska “zbuluar” se ky paska qenë vit rekord i kultivimit të kanabisit! Ky individ, që në biografinë e tij ka edhe Lazaratin, nuk meriton asnjë keqardhje, por keqardhja për ata që ende e ndjekin pas, rritet dita-ditës. Ky vit ka konfirmuar çrrënjosjen e kanabisit dhe kthim mbrapa nuk ka më!” shprehet ministri Lleshaj. /atsh
