Instituti i Statistikave bën të ditur se këtë vit numri i aksidenteve rrugore këtë vit ka qenë më i ulët, përfshi sezonin veror, që është edhe periudha e vitit me rrezik më të lartë për ngjarje të tilla. Në tetë muaj, në Shqipëri u regjistruan rreth një mijë aksidente, 12% më pak krahasuar me të njëjtën periudhë të vitit të kaluar.
Përmirësimi i infrastrukturës dhe zbatimi i investimeve në mirëmbajtjen e akseve kryesore kombëtare rrugore duke shtuar sinjalistikën e nevojshme apo rehabilitimin e segmenteve asfaltikë të dëmtuar, ka ulur ndjeshëm rrezikun e aksidenteve.
INSTAT bën të ditur se, në 8-mujorin e këtij viti numri i personave që humbën jetën në aksidentet rrugore ishte 137, me një rënie 4,1 për qind në raport me të njëjtën periudhë të një viti më parë./atsh
