Ekspedita më e madhe shkencore, që është realizuar ndonjëherë në Arktik, nisi sot misionin ndërkombëtar njëvjeçar, për të studiuar pasojat e ndryshimit të klimës, veçanërisht të dukshme në Polin e Veriut, njoftoi instituti gjerman që udhëheq këtë iniciativë.
Në total, rreth 600 ekspertë dhe shkencëtarë planifikojnë të qëndrojnë me turne rreth 390 ditë mbi një akullthyese, që do të përshkojë rreth 2 500 kilometra. Ekipet do të përballen me 150 ditë natë polare dhe temperatura që mund të zbresin deri në -45 gradë celcius.
Ekspertët do të studiojnë atmosferën, oqeanin, detin e akullnajave dhe ekosistemin, për të mbledhur të dhëna, që do të tregojnë sesi ndryshimi i klimës ndikon në rajon dhe në botë./atsh
