Inspektorati Shtetëror Teknik e Industrial ka bllokuar dy pika karburantesh në Tiranë e Kamzë për shkak të cilësisë së karburantit që tregtonin, ndërkohë që ndaj tyre është vendosur edhe masa administrative në masën e 1.5 milionë lekë.
Ministrja e Infrastrukturës dhe Energjisë, Belinda Balluku u shpreh se, kontrollet do të jenë të vazhdueshme, ndërsa iu kërkoi të gjithë subjekteve të zbatojnë rregullat dhe legjislacionin në fuqi, pasi nuk do të ketë asnjë tolerim.
Balluku tha se nafta e bllokuar pak kohë më parë në rafinerinë e Ballshit, është rikthyer në përpunim dhe përpara se të hidhet në treg ajo do t’i nënshtrohet edhe një kontrolli tjetër në laboratorët e Inspektoratit Shtetëror Teknik e Industrial./atsh
