Ekspertët e Komisionit të Venecias kanë zhvilluar sot një takim me anëtarët e Komisionit Hetimor parlamentar për shkarkimin e Presidentit Ilir Meta.
Takimi i nisur në orën 9:00 është mbajtur në zyrat e Kryesisë së Kuvendit.
Pas takimit Kaarlo Tuori, Drejtues i delegacionit u shpreh se ata kanë mbledhur informacionin që kërkonin nga takimet e zhvilluara. Ai theksoi se raporti do të prezantohet në 11 tetor.
“Kemi mbledhur shumë informacion. Kemi marrë informacionin që kërkonim. Raportin do ta prezantojmë në 11 tetor kur në Venecia do të kemi seancën plenare të Komisionit të Venecias” tha ai për mediet.
Ndërsa kreu i Komisionit Hetimor, Ulsi Manja tha pas takimit se, “me delegacionin e Komisionit të Venecias në lidhje me kërkesën për shkarkimin e Presidentit të Republikës për shkelje të rëndë të Kushtetutës dhe objektivitetin e trajtimit të kësaj çështje nga ana e Komisionit Hetimor të ngritur me vendimin nr.84/2109 të Kuvendit të Shqipërisë.
“Ndamë pikëpamjen që Komisioni Hetimor dhe Komisioni i Venecias do ta trajtojnë këtë rast në aspektin ligjor duke u nisur nga parimet dhe standardet më të larta profesionale dhe kushtetuese dhe me objektivitet maksimal , me qëllim vendosjen e një tradite juridike parlamentare të parin në llojin vet për Shqipërinë”, tha Manja.
Ekspertët e Komisionit të Venecias po zhvillojnë një takim edhe me përfaqësues të shoqërisë civile./atsh
