“Askush s’është mbi ligjin dhe çdokush do goditet nëse mban për vete, pjesën e xhiros që i takon konsumatorit dhe shtetit”, deklaroi sot Kryeministri Edi Rama, duke folur për operacionin kundër informalitetit që ka nisur të zbatohet me kontrolle intensive në terren.
Havana e famshme në plazhin jonian është penalizuar për mos dhënie të kuponit tatimor.
Duke publikuar ketë rast, kryeministri Edi Rama deklaron se të gjithë ata që nuk presin kuponin tatimor, nuk respektojnë ligjin dhe fusin duart në xhepin e njerëzve dhe të arkës së shtetit, do të ketë zero tolerancë.
“Keqardhje vërtetë për Havanën e famshme të pushimeve joniane. Hajde merre vesh, si ka mundësi(!), që të bësh një investim të tillë dhe të mos respektosh ligjin, duke mos lëshuar kuponin dhe duke e paguar shkeljen si frëngu pulën. Por mesa duket sa më i madh biznesi, aq më e madhe vështirësia për ta futur në kokë mesazhin STOPINFORMALITETIT”, ka deklaruar kryeministri Rama. /atsh
