Kujdesi për fëmijët gjatë stinës së nxehtë të verës

Ministria e Shëndetësisë dhe Mbrojtjes Sociale ka ndarë këshilla për kujdesin që duhet treguar ndaj fëmijëve gjatë temperaturave të larta të verës.

Ekspertët rekomandojnë që të mos ekspozoni fëmijët në diell deri në moshën gjashtë muajsh ndërsa për fëmijët e të gjitha moshave duhet përdorur gjithmonë kapele me strehë të gjerë.

“Kujdes!Mos ekspozoni fëmijët në diell deri në moshën gjashtë muaj. Përdorni kapelë me strehë të gjerë për të gjitha moshat. U lagni flokët shpesh, u vini syze dielli me filtra të veçantë mbrojtjeje, të certifikuar me markën CE.

Përdorni produkte për fëmijë me faktor mbrojtës jo më pak se 20 dhe në javën e parë të ekspozimit në diell përdorni produkte rezistente ndaj ujit dhe djersës me faktor mbrojtës jo më pak se 50.

U vishni rroba të gjera prej pambuku ose liri”, -rekomandojnë ekspertët. /atsh