Vlora është një emblemë e transformimeve që kanë ndodhur për gjatë këtij mandati, shprehet kryetari i bashkisë së Vlorës, Dritan Leli, i cili kandidatin për një tjetër mandat në qytetin bregdetar.
Në një intervistë për ERTV, ku ka folur për transformimin e bërë në këto 4 vite dhe projektet për mandatin e ardhshëm, Leli e cilësoi Lungomaren një projekt që ka bërë krenar, jo vetëm atë por edhe Vlorën dhe vlonjatët.
“Jam shumë i lumtur dhe ne të gjithë së bashku me gjithë faktorët, por në veçanti njeriu i cili ishte pranë meje dhe dua ta përmend është Edi Rama që pa të cilin do ishte e pamundur që të bënim këto transformime në Vlorë. Sot në fund të 4 viteve kemi ç’tu themi shqiptarëve dhe vlonjatëve mbi çfarë kemi bërë”, – tha Leli.
Ai bëri të ditur se “shumë shpejt hapim në 95% projektin e bulevardit Ismail Qemali. Projekti që ndryshoi pjesën e qytetit me ndriçim dhe gjelbërim gjithëpalësh, pra një pyll të vogël brenda qytetit me korsi të dedikuar biçikletash me parkime në 2 anët e rrugëve që i ndryshoi pamjen Vlorës”.
“4 vitet e ardhshme turizmi modern do jetë objektiv. Do vazhdojmë me të njëjtin ritëm në ndryshimin e zonës rreth Muzeut të Pavarsisë, do përfundojmë projektin e rëndësishëm të zonës historike. Do rikonstruktojmë sahatin e Vlorës, markatën e vjetër, rrugën e hebrenjve. Kemi akoma rrugë për të bërë dhe ne bashkë me vlonjatët po bëjmë shumë. Kompanitë e turizmit po ofrojnë shërbime në kulinari dhe restorantet e Vlorës janë perla të zones. Karaburuni dhe Sazani janë shndërruar në perla të turizmit shqiptar dhe pas investimeve te tjera Vlora do jetë perandoresha e turizmit shqiptar. Para 4 viteve premtova rritjen e vlerës së pronave dhe sot pronat dhe vlera është 2 fishuar dhe 3 fishuar”-, nënvizoi Leli.
Ai premtoi se “do zhvillojmë projektet tona në njësitë administrative te cilat nuk e kanë prekur impaktin qe ka prekur Vlora. Infrastruktura dhe uji i pijshëm gjatë këtyre 4 viteve do të jetë objektiv bashkë me donacionin e bankës gjermane”.
“Vlora është shembulli pozitiv i transformimit të qytetit dhe Rilindja Urbane në Vlorë është shembulli më i mirë i kësaj. Vlora pësoi transformimin më te madh me këtë projekt. Njerëzit duan punë dhe premtime të mbajtura në fund të ditës dhe ata vlerësojnë punën e provuar në vite dhe rezultatin e prekur dhe kjo është arsyeja që do i bëjë qytetarët të dalin të votojnë në 30 qershor. Vlorën do ta bëjmë perlën e mesdheut”, tha Leli./atsh
https://www.facebook.com/edirama.al/videos/631102570726239/?t=0
