Regjistrimi në portalin “Mësues për Shqipërinë” ka nisur për të gjithë ata që kanë dorëzuar dosjet pranë drejtorive rajonale në Lezhë, Durrës, Fier e Korçë dhe si afat i fundit aplikimi mbetet 28 qershori.
Çdo aplikant është i detyruar që të bëjë regjistrimin në portal, në mënyrë që të bëhet pjesë e fazës së dytë, atë të testimit të informatizuar.
Ministria e Arsimit ka ndarë një video-udhëheqëse ku nënvizohet se në rast aplikimi për herë të parë në portal, duhet patur kujdes që të vendoset numri personal/numri i pasaportës që aplikanti ka deklaruar në formularin e pranimit dhe një e-mail i vlefshëm.
Për sa i përket mbartjes së pikëve të portalit 2018-të, aplikanti duhet gjithsesi të logohet me kredencialet e mëparshme për të hedhur preferencat e 2019-tës. Njëkohësisht, nëse aplikimi është bërë në vitin 2018-të dhe dëshiron të mbart pikët, aplikanti duhet të informojë DRAP-in në mënyrë që të pasqyrojë mbartjen e pikëve gjatë vlerësimit.
Në rast të modifikimit të aplikimit, aplikanti ka të drejtë të modifikojë zgjedhjet e tij/saj deri në datën e mbylljes së regjistrimeve.
Pas datës së mbylljes së regjistrimeve, është e pamundur që të modifikohen preferencat e zgjedhura. Për procedurën e plotë mund të klikoni në linkun e mëposhtëm:
https://www.youtube.com/watch?v=NlUQc5NqKSE&feature=youtu.be /atsh
