Kryeministri Edi Rama duke sjellë në vëmendje një fragment nga proza e shkrimtarit të madh shqiptar Migjenit “Idhuj pa krena”, përcjell mesazhin se “çdo vikamë fillon e mbaron me heshtje. Mbasandaj do të fillojë puna”.
“Në varrimin e idhujve të vjetër kumbonat kanë për të plasë së ramit, minaret kanë për të thye kurrizin së faluni dhe zhrecvet do t’u këputen telat e fytit së kënduari. Dhe do të vijë heshtja. Se çdo vikamë fillon e mbaron me heshtje. Mbasandaj do të fillojë puna”, citon Kryeministri shkrimtarin e madh Migjeni.
Rama zgjodhi sërish sot fjalë të shkrimtarëve shqiptarë për të përcjellë mesazhe. Ditën e djeshme nga foltorja e Kuvendit, Kryeministri Rama e nisi fjalën e tij me një fragment nga libri “Mosmarrëveshja” i Ismail Kadaresë. /atsh
