Kopshti i Presidencës u gjallërua sot më shumë se asnjëherë tjetër me ngjyrat më të bukura të verës, ku lulet më të freskëta dhe të veçanta ishin fëmijët e mrekullueshëm të ardhur nga të gjitha qytetet e vendit.
Presidenti i Republikës Ilir Meta në urimin kushtuar fëmijëve u shpreh se është “lumturi e madhe, që së bashku me këta vogëlushë t’u përcjell sot urimet më të ngrohta e të përzemërta fëmijëve shqiptarë: Gëzuar festën e 1 Qershorit!
Mbështetur në ëndrrat shumëngjyrëshe të fëmijëve, çiltërsinë dhe dashurinë e tyre të pamatë, të punojmë të gjithë bashkë për të ardhmen e tyre në një Shqipëri të vërtetë europiane”. /atsh
