Nëse konsumi i alkoolit ulet ose nuk shënon progres në vendet e pasura, ka tendencë të rritet në vendet me një standard jetese që ka prirje të rritet, si rasti i Indisë dhe Kinës, sipas një studimi.
Ky ndryshim i situatës pritet të inkurajojë vendet në fjalë që të miratojnë masa që kanë rezultuar efektive në vende të tjera, si taksat më të larta, kufizimet e përdorimit dhe ndalimin e marketingut dhe fushatat promocionale për alkoolin” , argumentojnë autorët e studimit, të botuar të mërkurën në revistën mjekësore britanike ”The Lancet”.
Alkooli përfaqëson një faktor kryesor rreziku për shfaqjen e sëmundjeve të shumta.
Mesatarisht, një i rritur në botë konsumoi në vitin 2017 6,5 litra alkool të pastër, kundrejt 5,9 litra në vitin 1990 dhe kjo sasi pritet të arrijë 7,6 litra deri në vitin 2030, sipas të dhënave të siguruara në 189 shtete. /atsh
