30 persona kanë marrë trajtim në Urgjencën e QSUT dhe spitalin e Traumës pas protestës së opozitës. Nga këta persona, 18 janë forca policie si dhe 12 qytetarë të traumatizuar, në zona të ndryshme të trupit për shkak të përdorimit të mjeteve piroteknike dhe bombave molotiv gjatë zhvillimit të protestës së opozitës.
Në urgjencën e Spitalit të Traumës janë trajtuar 14 efektivë policie, 4 protestues dhe një operator.
Pacientëve iu janë kryer ekzaminimet e nevojshme diagnostikuese dhe kanë marrë mjekimin përkatës.
Në këtë spital vazhdon të jetë nën observimin mjekësor Sahit Dollapi i cili mbërriti në orën 00.30 të mëngjesit të dates 12.05.2019 i shoqëruar nga ekipi i urgjencës paraspitalore. Aktualisht pacienti rezulton të jetë mirë, jashtë rrezikut për jetën. /atsh
