Kreu i PD-së, Lulzim Basha ka kërkuar mirëkuptimin e protestuesve për të pritur vendimin që do të marrë PD lidhur me vijimësinë e protestës.
Basha deklaroi nga selia e PD se, “koalicioni i Opozitës së Bashkuar ka vendosur thirrjen e kësaj mbledhjeje urgjente për të vendosur vijimin e protestës pas shpalljes së luftës nga Edi Rama ndaj popullit të tij”.
“Duke iu falenderuar për këtë qëndresë të paprecedentë në historinë e Shqipërisë që dëshmon më mirë e më qartë se çdo fjalë vendosmërinë tonë për të mos lejuar kurrë diktatin e krimit dhe duke shprehur vendosmërinë për të mos lejuar më diktatin e krimit ju kërkoj mirëkuptimin për kohën që na duhet për të marrë vendimet për betejën tonë”, tha Basha.
Ai tha se “beteja jonë do të vazhdojë deri sa ti japim fund politikës së lidhur me krimin”.atsh
