Ministrja e Mbrojtjes, Olta Xhaçka ka ndërprerë vizitën e saj në Itali, duke u nisur menjëherë për Letoni, për shkak të ngjarjes së ndodhur sot, ku nëntetarja Zarife Muharrem Hasanaj humbi jetën gjatë një operacioni ushtarak.
Ministria e Mbrojtjes njoftoi se për shkak të ngjarjes në Letoni, ministrja Xhaçka ndërpreu vizitën zyrtare në Itali dhe do të udhëtojë drejt Rigës për të vizituar dy efektivët e plagosur dhe për të takuar kontingjentin shqiptar atje.
