Kryeministri Edi Rama theksoi se diplomacia shqiptare ka pasur dy shtylla në këto vite të qeverisë së tij, nevojën për dinamikë të re të politikës së jashtme dhe për rol të ri të Shqipërisë në rajon, dhe nga ana tjetër për ta bërë me eficient shërbimin për qytetarët.
Duke u ndalur në rëndësinë e aplikacionit “Ambasada Ime”, prezantuar pasditen e sotme, Rama theksoi se një nga sukseset e diplomacisë sot është mbyllja e negociatave për pensionet e qytetarëve shqiptarë me 7 vende.
“Mund ta themi me kokën lart, që qeveria jonë ka filluar dhe ka mbyllur negociatat me 7 vende për pensionet e qytetarëve që jetojnë jashtë vendit dhe po vazhdojmë negociatat me vendet e tjera, duke marrë parasysh vështirësitë e procesit me Italinë e Greqinë, ku ndodhen një numër i madh qytetarësh shqiptarë”, – theksoi Rama. /atsh
