Papa Françesku u shpreh i lumtur, në një video të postuar sot, se po shkruante një faqe të re në historinë e marrëdhënieve mes besimeve fetare, në vizitën e ardhshme nga data 3 deri më 5 shkurt në Emiratet e Bashkuara Arabe.
‘’Jam i lumtur të shkruaj në atdheun tuaj të shtrenjtë një faqe të re në marrëdhëniet mes besimeve fetare duke konfirmuar se jemi vëllezër edhe pse jemi të ndryshëm’’, thekson papa në një mesazh drejtuar popullit të Emirateve.
Në videon në gjuhën italiane e ofruar gjithashtu dhe me dublimin në gjuhën arabe, Sovrani i Shenjtë falenderoi princin e kurorës ”Mohammed ben Zayed Al-Nahyane për ftesën për të qenë i pranishëm në një takim ndërfetar mbi temën e vëllazërisë njerëzore. Rasti për të ritakuar një mik dhe vëlla të shtrenjtë, imamin e madh sunit të Al-Azhar-it, sheikun Ahmed al-Tayeb”.
Papa vlerëson se organizimi i këtij takimi ndërfetar ”demonstron guximin dhe vullnetin për të konfirmuar se besimi në Zot bashkon dhe nuk përçan, afron pavarësisht dallimeve”./atsh
