Vaksinimi kundër fruthit për fëmijët, sipas kalendarit bazë të Vaksinimit, është mbrojtja më e mirë për parandaluar fruthin si dhe për të ulur rastet e vdekjeve nga fruthi.
Për të parandaluar fruthin, Organizata Botërore e Shëndetësisë rekomandon vaksinimin e të gjithë fëmijëve si dhe të rriturve që janë në rrezik për t’u infektuar, për të cilët kryerja e vaksinës së fruthit nuk është e kundërindikuar.
Vaksina kundër fruthit është përdorur qysh në vitet 1960, dhe është e sigurt dhe efektive.
Në nivel global vdekjet nga fruthi janë zvogëluar mjaft vitet e fundit për shkak të aplikimit të vaksinës.
Çfarë rekomandojnë mjekët?
Vaksina e fruthit aplikohet së bashku me vaksinën kundër rubeolës dhe shytave. Vaksina FRP(MMR) të mbron nga fruthi, rubeola dhe shytat. Mjekët rekomandojnë që fëmijët të marrin dy doza vaksine për një mbrojtje të mirë. Fëmija juaj duhet të vaksinohet në moshat doza e parë në 12 muaj dhe doza e dytë 5 vjeç. Foshnjat e moshës 9-12 muaj të cilat nuk janë vaksinuar duhet të marrin 1 dozë vaksine para se të udhëtojnë jashtë shtetit. z.tosku/ atsh
