Trajneri i Kombëtares, Kristian Panuçi, pas fitores me Uellsin deklaroi se fitorja kishte rendesi per ti thene zemer skuadres.
“Më në fund, po, është fjala e duhur. Skuadra gjeti shpirtin e duhur, dhe arrin në një fitore. Më në fund skuadra arriti të fitonte, vuajtëm, por në fund arritëm fitore. Edhe pse, Uellsi kërkoi që të na barazonte, si çdo skuadër që hyn për fitore. Por, kjo nuk do të thotë që ndalojmë me kaq. Do përgatitemi, të vazhdojmë përpara për kualifikimin në Europian”, tha ai.
Si ka qenë fryma e grupit gjatë këtyre ditëve të vështira?
Jemi ballafaquar, kemi folur, arritëm të gjejmë pikat ku gabuam, dhe arritëm të vazhdojmë përpara në fitore.
Marsi, është i largët apo i afërt?
Për të arritur për të rikuperuar ndonjë lojtar, shpresoj që të jetë sa më larg.
A ishte përgjigje e lojtarëve nëse e duan trajnerin?
Unë di që djemtë i kam pas krahëve, i kam me vete. Nëse do e dija që nuk do ishin me mua, do largohesha.
A fituam një lojtar si Ismajli?
Po, jam shumë i kënaqur, shumë serioz në fushë dhe profesionist. Besoj se do bëjë ndeshje të bukura në vazhdim.
Pse vetëm 2 zëvendësime në miqësore?
Sepse skuadra po luante mirë, nëse do kishim shfrytëzuar më mirë disa raste, do shënonim më shumë gola.
