Ai është një personazh që në Shqipëri e duan shumë. Lorik Cana edhe pse i shumpërfolur në media, ka qenë gjithmonë i rezervuar kur vinte puna tek jeta e tij privat6e.
Por i ftuar në emisionin “Rudina”, Loriku zbuloi më shumë rreth jetës së tij me Monikën, dasmat e zhvilluara në Kosovë dhe Itali, si dhe për kushtin që i kishte vënë asaj para së të ishin bashkë.
Ai tha se Monika është “shqiptarizuar” dhe po përpiqet të mësojë shqip, por kur shkojnë në Kosovë e ka shumë të vështirë të komunikojë. Dhe ky ka qënë kushti i Lorikut për partneren e tij, që ajo dhe fëmijët e tyre, të mësonin traditat shqiptare dhe gjuhën shqipe. Dhe Bojken, tre vjeç, duket se është familjarizuar me gjuhën shqipe, pasi i ati i flet vetëm shqip, shkruan ShkodraNews.
“Ishte kusht paramartesor që djali absolutisht nuk duhet ta thyjë zinxhirin e traditës, të gjuhës sepse ne që kemi qenë në emigracion, gjenerata e parë e mban, por gjenerata e dytë thuajse e ka humbur gjuhën. Kur martohesh, martohesh për dashuri dhe për partnerin e duhur, por ka vështirësitë e veta sidomos nga pikëpamja e gjuhës, por kjo nuk duhet të jetë një argument për mos me bërë më të mirën”, tha Lorik Cana.
4 vite më parë, Lorik Cana dhe Monika kurorëzuan në martesë dashurinë e tyre në dy dasma që u mbajtën në Romë dhe Prishtinë.
“Në Itali, ishte një dasmë e vogël, shumë intime me 50 vete. Ndërkohë që në Prishtinë, ftuam 500 persona dhe erdhën 650 dhe shumicën nuk e njihja fare. Te dasma në Prishtinë, nga ana e Monikës, ishin vetëm prindërit e saj, e pjesa tjetër të ftuarit e mi”, tha Lorik Cana. /ShkodraNews
