Një shqiptare është listuar si një nga femrat më të fuqishme në botën e muzikës, dhe ajo është Dua Lipa. Lista është bërë nga BBC, ku në të përfshihen 20 femrat më të fuqishme në fushën e muzikës.
Ndërkohë që BBC shkruan për 23-vjeçaren shqiptare:“Ajo ka bërë një fjalim të mrekullueshëm, të fuqishëm në BRIT Awards. Ajo është shumë e re dhe shumë e guximshme.
Njihet në gjithë botën dhe inspiron shumë të rinj. Ylli i popit ka etikë të fuqishme të punës, vlera femërore dhe një ndikim të madh te femrat.
Ajo ishte femra më e ndjekur e vitit 2017 në Spotify dhe u bë femra e parë që u nominua për çmimin BRIT Awards.”Sigurisht që pas vlerësimit ka reaguar edhe vetë këngëtarja , ku Dua shkruan:“Është nder të jesh në listën e fuqishme të BBC, në mesin e femrave më të talentuara dhe të mrekullueshme të muzikës. Faleminderit shumë për vlerësimin, është ndjenjë e mrekullueshme të jem pjesë e kësaj”.
