Seanca e sotme parlamentare, ku në fokus është ligji për shembjen e godinës së Teatrit Kombëtar ka nisur vetëm me pjesëmarrjen e mazhorancës. Por, gjithashtu paraqiti raportin vjetor dhe kryeprokurorja Arta Marku, e cila ra në sy me veshjen e saj.
Arta Marku është paraqitur në Kuvend me një fustan rozë, si ngjyrat e Partisë Socialiste, ç’ka me gjasa ka lënë “pa fjalë”, Kryeministirin dhe ministrin Fatmir Xhafaj. Në fotot e shkrepura nga LSA, kryeministri Rama dhe ministri Xhafaj janë parë të flasin me njëri-tjetrin, ndërkohë që zv.kryeministrja, Senida Mesi ka qendruar në heshtje.
Në një tjetër foto, ministri i Financave, Arben Ahmetaj është parë teksa lëviz nëpër ambientet e Kuvendit me filxhan në dorë dhe një tufë me shkresa. Ndërkohë që në një moment duket se po sheh në filxhan dhe fatin e financave shqiptare. Kryeministri Rama është parë t’i mbajë qëndrim, Ministrit të Transportit, Damian Gjiknuri të cilin në foto duket që e sheh me inat.
