Ajo është një nga gazetaret që prej mbylljes së Agon Channel ka preferuar të mos angazhohet në ndonjë media tjetër. Por, Sonila Meco nuk qëndron pasive. Ajo në një shkrim në Facebook komenton ndryshimet në televizionet shqiptare.
Supermedia
Nuk po gjen derman merkato mediatike këtë sezon dhe nuk ka më dyshim se prurja e programeve të reja të shoëman-it gjithëfarësoj po shkatërron dhe trullos konkurencën.
Pasi pushteti i thirri mendjes, se më me leverdi se kapja e mediave ekzistuese është futja vetë në biznesin mediatik dhe shoëbiz, në zhanret info, entertainment, infotainment, dokumentar dhe reality, duke llogaritur buxhetet edhe më të larta se televizionet, platformat, sponsorët e rreshtuar vullnetarisht, audiencën me avatarë deri nga Kina e Xhibuti, PR-in e fuqishëm ndërkombëtar dhe kohën e lirë në dispozicion krahasuar me aktorë të tjerë mediatikë, tashmë nuk mbeten më avantazhe konkuruese për mediat dhe figurat aktuale të ekranit.
Së shpejti programe, patenta dhe rubrika të reja nga pushteti, që fton pronarët mediatikë dhe ikonat televizive të çdo zhanri të logjikojnë për konkurencën e ashpër, që i pret. Ndërsa publiku të mos mashtrohet më nga merkato e çoroditur, një përpjekje e pashpresë e mediave ekzistuese për të përballuar supermedian.
