“Iconstyle” na ka zbuluar detaje të tjera nga dasma në Como te Italise e Ledionit dhe Sara Hoxhes, detaje që askush nuk i mori vesh më parë. Të ftuarve u është dashur të paguajnë vetëm biletën për në Itali, pasi çdo gjë tjetër ishte e paguar. Familja Hoxha dhe dy mikeshat e ngushta të Sarës dhe Lorit kanë udhëtuar më parë se të tjerët në Itali, ku kanë festuar edhe ditëlindjen e njërës prej tyre më datë 10.
Të ftuarit kanë marrë një dhuratë pikante. Bëhet fjalë për një pako që mbante brenda gjithçka që nevojitej, duke filluar nga qetësuesit e kokës e deri tek prezervativët.
Dasma ka patur disa ambiente. Në njërën atmosferë ishte disko ku mund të kërceje me muzikë me zë të lartë dhe në ambjentin tjetër një sallë më e qetë, ku të ftuarit mund të bisedonin e të relaksoheshin.
Në dasmën e Sarës dhe Ledionit nuk mungoi muzika popullore dhe vallet tradicionale shqiptare, siç mund ta shkoni në videon e mëposhtme.
