Me qindra e mijëra miq dhe ndjekës i kanë shprehur ngushëllimet e përzemërta prezantuesit dhe moderatorit të “E Diela Shqiptare” në Tv Klan, Ardit Gjebra, pas ndarjes nga jeta të nënës së tij.
Zonja Meropi Gjebrea ndërroi jetë mbrëmjen e së premtes, ndërsa lamtumira e fundit iu dha pasditen sotme. Lajmin e hidhur për humbjen e madhe e bëri të ditur vetë Gjebrea, përmes një postimi në rrjetet sociale.
E në mesin e mijëra ndjekësve që iu gjendën pranë familjes në këtë ditë të hidhur ishin edhe miq e bashkëpunëtorë të shumtë ndër vite të Gjebreas.
Këngëtari Sidrit Bejleri, ngushëllon me fjalët: “Të Zotit jemi dhe tek Ai kthehemi. Zoti e pastë në mëshirën e vet dhe qoftë e Xhenetit!”
Olti Curri lutet “Zoti e pastë në kujdes atje lart”, ndërsa humoristi Bes Kallaku “Qoftë e Parajsës!”
Këngëtarja Rezarta Shkurta shkruan se ajo “iku nënë e lumtur, se la shtëpinë plot.”
E në këtë ditë të vështirë Gjebreas i gjendet pranë edhe gazetarja Rudina Xhunga, e cila shkruan “ngushëllime për nënën tënde të mirë”.
