Fjoralba Ponari do të jetë prezantuesja e re krah moderatorit Edi Manushi në drejtimin e emisionit “Procesi sportiv”.
Ky lajm qarkulloi shumë shpejt në mediat sociale dhe vetëm pak ditë më parë bukuroshja u shfaq me Manushin në spotin promovues të emisionit në prag të fillimit të Kampionatit Botëror.
Fjoralba dhe Manushi kanë qënë të ftuarit e ditës në emisionin e mëngjesit “Wake Up” ku kanë folur mbi emisionin dhe bashkëpunimin mes tyre.
Ponari u pyet gjatë intervistës se si po e përjetonte këtë eksperience të re, ku do t’i duhet të flasë për futbollin dhe do të jetë e rrethuar gjatë gjithë kohës me meshkuj.
“Çuditërisht terreni mashkullor është më mirëpritës se ai femëror, domethënë kjo është një deklaratë paksa e rëndë për ne femrat, por jam mirëpritur dhe ndihem shumë komode mes tyre. Më janë ofruar për çdo lloj ndihmese që kam pasur nevojë” – u shpreh Fjoralba.
Ajo u pyet gjithashtu nëse mund të bënte një krahasim mes eksperiencës në “ The Voice” ku intervistonte tifozë të konkurentëve dhe tani që do t’i duhet të intervistojë tifozë të futbollit.
“Deri diku janë situata si motra, por kjo pjesa e tifozerisë shpresoj të mos bëhet agresive aty. Aty do të të thërras ty Manush…” – tha bukuroshja duke qeshur.
