Ka ndërruar jetë në spitalin e Traumës, Zana Brunga 63 vjeç, njëra nga të plagosurat në aksidentin e ndodhur në Vorë.63- vjeçarja nuk ka mundur t’i mbijetojë plagëve të marra nga aksidenti.Aksidenti i rëndë ka ndodhur pasditen e djeshme në aksin Fushë Krujë-Vorë, ku dy makina janë përplasur kokë më kokë me njëra-tjetrën. Sipas informacioneve, shkak i aksidentit mes mjeteve “Ford” me targa DR 1631F dhe “Golf” me targa TR 9433 M, ishte një parakalim i gabuar, ndërkohë që të plagosur rëndë kanë mbetur 4 persona.
