Një i vdekur dhe një i plagosur është bilanci i një aksidenti tragjik në rrugën Gjirokastër-Tepelenë. Mësohet se një makinë është përplasur me një zetor pranë vendit të quajtur “Ura e Kardhiqit”.
Nuk dihen ende rrethanat sesi ka ndodhur ngjarja, ndërsa mësohet se i plagosuri i cili është dërguar në spitalin e Gjirokastrës, ndodhet në gjendje të rëndë.
Sakaq, policia e mbërritur në vendngjarje ka nisur hetimet për zbardhjet e plotë të rrethanave dhe shkaqeve të aksidentit.
