Reperi shqiptar Gashi po njihet gjithnjë e më tepër në SHBA falë talentit të tij. Pasi u vu re nga Jay Z, ai është bërë pjesë e grupit muzikor që drejton “Roc Nation”.
Së fundmi një lajm i mirë ka ardhur për reperin Gashi. Ai do të performojë me emrat më të mirë të muzikës HIP HOP si Eminem, Wiz Khalifa, Migos, French Montana, Lil Uzi Vert, J.Cole e shumë të tjerë.
Ai ka bërë të ditur në Instagram se do të ngjitet në skenën e festivalit veror “Openair Frauenfeld 2018” që mbahet çdo vit në Frauenfeld, Zvicër.
Reperi shqiptar prej kohësh po zhvillon karrierën e tij muzikore në SHBA, ku duket se suksesi po i afrohet gjithnjë e më shumë.
