Ish-oficeri i Policisë së Antimafias Italiane, Gianni Pelagonia është shprehur se mafia shqiptare në vitet e fundit është shndërruar në një ndër nga më të fortat në botë.
Komentet Pelagonia i bëri gjatë një interviste, ku tha se në disa aspekte mafia shqiptare ka tejkaluar edhe Ndraghetta-n, sidomos sa i takon transportit të drogës.
Ai tha gjithashtu se Italia ka njohur kryesisht shqiptarët “e këqinj” që kanë vjedhur e bastisur shtëpitë e italianëve.
“Për të përkufizuar mafien, ka një gjykim për mafioz, sepse ka disa karakteristika. Nga pikëpamja e çështjes gjyqësore e procesit nuk mund të thuhet që ka mafiozë, por mafia shqiptare është ndër më të fortat në botë. Ndoshta ka pikëpamja gjyqësore e procesit nuk mund të quhen mafiozë, por kriminaliteti shqiptar për disa çështje ka tejkaluar Ndraghettan.
Sa i takon çështjeve të drogës. Para disa ditësh u bënë disa arrestime në Spanjë. Ne kemi njohur shqiptarët e këqinj fatkeqësisht. Ne kemi njohur shqiptarët e këqinj fatkeqësisht, sepse të mirët paguajnë taksat dhe bëjnë jetën normale si gjithë të tjerët.
Ne kemi njohur si policë, shqiptarë që me disa banda bënin vjedhje nëpër shtëpi, për disa vite na kanë masakruar me vjedhje nëpër shtëpiar. Njerëzit duhet të hyjnë në kulturën e denoncimit. Njerëzit këtu kanë ende vështirësi të denoncojnë. Ky është një problem social që duhet luftuar. Në duhet të jemi një skuadër, qytetarët, policia dhe autoritetet gjyqësore”, tha Pelagonia.
