Italia ka mbyllur kufijtë me Shqipërinë si pasojë e rritjes së rasteve me Covid-19. Ky vendim hyn në fuqi ditën e nesërme – 26 tetor dhe është i vlefshëm deri në 15 dhjetor.
Hyrja nga vendi ynë drejt Italisë dhe e personave që kanë udhëtuar gjatë 14 ditëve të fundit në Shqipëri do të bëhet vetëm për motive pune, shëndeti, studimi, urgjencë absolute apo rikthim në banesën e rezidencës.
Shqipëria ka dalë nga lista e vendeve D e ministrisë së Shëndetësisë italiane dhe ka hyrë në listën E.
