Aktori shkodran i humorit Julian Deda gjatë një interviste në “Urbanus Blog” ka folur në lidhje me karrierën e tij dhe largimin nga spektakli “Portokalli”.
Juli thotë se nuk është larguar vetë nga “Portokallia”, por e kanë hequr pasi patën një mosmarrëveshje me regjisorin Altin Basha për një rol, i cili sipas tij kaloi në një inat personal.
“Kjo na doli për mirë pasi u përfshimë në spektakël që ishte dhe mbetet risi për tregun… Ky lloj formati nuk ka konkurrent, “Al Pazar” dhe “Portokalli” janë formate të ngjashme për shkak të strukturës së njëjtë. Ndërsa “Apartamenti 2XL” është format unik në tregun e televizioneve shqiptare”, tha ndër të tjera Juli.
