Ai njihet per deklaratat e forta dhe mesazhet gati-gati edhe te frikshme, qe asnje tjeter nuk i ben.Avokati i njohur Spartak Ngjela ne nje status qe ka publikuar disa ore me pare ne rrjetet sociale parashikon se “brenda muajit mars 2018 Berisha, Rama, Basha dhe të afërmit më ta do jenë të eliminuar nga Reforma njëlloj si gjyqtarët dhe prokurorët e korruptuar para tyre”.
“Ekspertë amerikanë dhe ekspertët gjermanë konstatuan se korrupsioni shqiptar ka origjinë jakobine, dhe e dinin që çdo reformë demokratike është antijakobiniste. Kështu që ishte shumë e thjeshtë: duke rrëzuar jakobinizmin shqiptar ke eliminuar edhe korrupsionin shqiptar.
Ja kjo në thelb është Reforma në Drejtësi, e cila është evidente se, pasi të eliminojë korrupsionin në organet e drejtësisë, do të eliminojë të gjithë klasën politike të korruptuar.
Brenda muajit mars 2018 Berisha, Rama, Basha dhe të afërmit më ta do jenë të eliminuar nga Reforma njëlloj si gjyqtarët dhe prokurorët e korruptuar para tyre.
Por çdo të ndodhë me të dy partitë jakobine: PS dhe PD?
Ato duhet të marrin masa që Tani, që të mos shpërbëhen. Por, a kanë njerëz që mund ta bëjnë këtë?”, shkruan Ngjela.
