[sgmb id=”1″]
Policia e Tiranës ka reaguar për mediat pas lajmit që gazetarja Adelajda Xhamani ka ndërruar jetë.
Policia bën me dije se ish-konkurrentja e Big Brother vuante nga epilepsia, sëmundje e cila i mori edhe jetën mëngjesin e sotëm.
Njoftimi i policisë:
Më datë 29.10.2017, rreth orës 05:10, në rrugën e Thesarit, është gjetur e vdekur në banesën e saj, shtetasia Adelajda Xhamani, 31 vjeç, e cila jetonte vetëm.
Nuk ka shenja dhune. Shtetasia e mësipërme vuante nga epilepsia.
Pritet vendimi i mjekut ligjor.
Po kush ishte Adela Xhamani
Adela ka lindur në qytetin e Kavajës, ndërsa në vitet e para të karrierës së saj ka qenë mësuese në qytet.
Adela ndërroi jetë sot në orën 04:00 të mëngjesit në moshë 31-vjeçare. Me profesion gazetare, Adela pritej të niste emisionin e saj më 15 nëntor në Fax News.
Xhamani ka qenë pjesë e “Big Brother Albania 2” duke qënë një ndër figurat më të pëlqyera nga publiku në atë kohë.
Ajo ka qenë kryeredaktore e suplementit “Bluetooth” në “Gazetën Shqiptare”, si dhe kryeredaktore e Revistës “Who”.
