[sgmb id=”1″]
Kryeministri Edi Rama gjatë fushatës elektorale të 25 qershorit u shfaq për herë të parë pas shumë vitesh mungesë dhe përplasjesh mes tij dhe moderatorit Arjan Çani në studion e këtij të fundit “Zonë e Lirë”.
Por sot ai pritet të jetë përsëri i ftuar në këtë program të cilin e quan të vetmin kazan pa mbetje toksike.
Lajmin e ka bërë të ditur vetë kryeministri me anë të një postimi në Facebook.
“Sonte në 9 tek Zona e Lirë e Arian Çanit që në këtë kohë degradimi të klubeve të katundit mediatik, mbetet i vetmi kazan pa mbetje toksike”, shkruan kryeministri.
Besohet se në qendër të ftesës së këtij programi do të jetë çështja “Tahiri” e përfolur kohët e fundit gjerësisht në media si edhe konflikti i Ramës me gazetarët.
Një gjë është e sigurt, që Show i mbrëmjes së sotme do të jetë i garantuar për të gjithë adhuruesit e ekranit.
