Në Britaninë e Madhe – e mbingarkuar nga varianti anglez dhe aktualisht numëron mbi 100 mijë viktima nga Covid – vlerësohet po ashtu se deri në 100 fëmijë në javë shtrohen në spitale, me sindromën inflamatore të multisistemit pediatrik post-Covid (PIMS).
Kjo gjendje e përshkruar fillimisht si “Kawasaki”, është përkufizuar në fillimet e pandemisë si një sindromë e re.
Të dhënat u publikuan nga ‘Guardian’ në internet. Specialistët megjithatë nuk besojnë se frekuenca e sëmundjes është rritur në krahasim me rastet e regjistruara në komunitet, krahasur me muajt e izolimit.
Pediatrit ngritën shqetësimin se 75% e fëmijëve më të prekur nga sindroma janë të zinj, aziatikë ose që u përkasin pakicave etnike.
Sipas asaj që është vërejtur deri më tani, sindroma e re post virale prek rreth një në 5 mijë fëmijë, një muaj pas kontraktimit të koronavirusit Sars-CoV-2. Skuqjet e lëkurës, ethet deri në 40 °, presioni i ulët i gjakut në mënyrë të rrezikshme dhe problemet e barkut, dhe në raste të rënda simptoma të tilla konsiderohen potencialisht fatale.
Rreth 12-15 fëmijë besohet se janë sëmurë që nga fillimi i janarit. Rastet janë shfaqur në shumë vende, shpjegojnë ekspertët, por shumica kanë ndodhur në Londër dhe Anglinë Juglindore, zona ku varianti i ri “Kent” ka pasur një rritje të dukshme të infeksioneve Sars-CoV.
Sa i përket karakteristikave të fëmijëve të prekur, sipas një prezantimi të bërë në një takim online ku morën pjesë më shumë se një mijë pediatër, nga shqyrtimi i 78 pacientëve që përfunduan në kujdes intensiv me sindromën “Pims”, 47% ishin me origjinë afro-Karaibe dhe 28 % aziatikë.
Ekspertët po hetojnë për të kuptuar arsyet e këtij disproporcioni. Të dhëna të tjera tregojnë moshën mesatare të fëmijëve që zhvillojnë sindromën: 11 vjeç, por ajo varion nga 8 në 14 vjeç; dy të tretat (67%) ishin meshkuj; gati një në 4 të fëmijë që përfundojnë në kujdesin intensiv zhvillojnë një ndërlikim kardiak kërcënues për jetën në lidhje me sindromën. Sidoqoftë, ekspertët sigurojnë prindërit: rritja e shtrimeve në spital parametrizohet në ndikimin më të madh të pandemisë . Kjo shihet edhe si një arsye për të parandaluar hapjen e shkollave./NOA.al
