[sgmb id=”1″]
Me takimin e zhvilluar në ambjentet e pallatit të kulturës në Vlorë me drejtues të njësive vendore në qark, është mbyllur axhenda e takimeve dy ditore e qeverisë Rama 2 në qytetin bregdetar. Takimet kanë startuar ditën e premte rreth orës 16:00 me mbledhjen e qeverisë, ndërsa kanë vijuar me një takim konsultues mbi buxhetin 2018.
Dita e shtunë ka qenë mjaft e ngjeshur teksa ka nisur me takimet e ministrave me drejtues të institucioneve në varësi të tyre. Takim me prindërit, takime të ministrave në fshatra , por edhe mbledhja me drejtues të njësive vendore kanë vijuar axhendën e qeverisë në qytetin e Vlorës.
Gjatë qëndrimit dy ditor në Vlorë u morën një sërë vendimesh të rëndësishme nga qeveria si edhe ishte shpallja zonë e mbrojtur e fshatit Kaninë, apo projekti i kompleksit sportiv , aeroporti dhe një sërë vendimesh të tjera. Qeveria Rama e ka nisur nga Vlora, ndërsa për cdo muaj si edhe konfirmoi vetë,qeveria do të jetë në takime në cdo qark.
