Xhemi Shehu është një ndër vajzat me linjat më perfekte dhe e gjithë kjo falë kujdesit që ajo tregon për trupin e saj. Ditën e sotme moderatorja ka zbuluar sekretin e formave të saj, duke treguar në emisionin “Nuk është karantinë”, në ABC News, sa orë kalon në palestër dhe me çfarë ushtrimesh merret.
Xhemi tha se ajo është marrë me fitness që në moshën 18-vjeçare, mirëpo prej kohësh ka hequr dorë nga ajo mënyrë të stërvituri, për shkak se nuk i dukej më motivuese. Ajo u shpreh se shkon në palestër për të mbajtur trupin në formë, por jo për të kufizuar veten në konsumimin e ushqimeve, sepse nuk e mendon kurrë të mbajë dieta.
“Në grup nuk ndihet fare stërvitja, nuk ndihen fare ushtrimet. Është një lloj kombinimi mes stërvitjes dhe argëtimit. E bukura e kësaj stërvitje është se ti nuk e di asnjëherë se çfarë të pret sepse si e bën sot stërvitjen nuk është se do ta bësh nesër. E mira tjetër është që prek të gjithë muskujt e trupit.
Domethënë në 60 minuta ke mundësi që të bësh dhe për krahët, këmbët, vithet dhe nuk është një stërvitje që të fokuson ose të lodh vetëm një muskul të trupit sa të nesërmen të mos dish se ku të jesh”, tha Xhemi duke folur për formën e re të stërvitjes që ndjek.
