Nuk ndalen replikat mes dy krerëve të lartë të shtetit, Presidentit Meta dhe Kryeministrit Rama.
Teksa ky i fundit i tha se po nxit sherre dhe dasi për interesa personale, Meta e fton Kryeministrit sërish në debat publik.
“Nuk më ke treguar akoma në cilën studio televizive do sqarohemi ballë për ballë!
Mezi po të pres o trendi buburrec”, shkruan Meta në Facebook.
Përplasjet mes dy zyrtarëve kanë nisur kohë më parë me caktimin e anëtarëve të Gjykatës Kushtetuese.
Ndërsa së fundmi, “mollë sherri” është bërë miratimi i Kodit Zgjedhor në Parlament, pa konsensusin me opozitën jashtë Parlamentit.
