Presidenti Ilir Meta tha sot se është “koha për t’i dhënë fund njëherë e përgjithmonë manipulimit të zgjedhjeve dhe blerjes së votave”.
Ai reagoi duke iu referuar dhënies nga Prokuroria Speciale Kundër Krimit të Organizuar dhe Korrupsionit e 22 masave të sigurisë për tre grupe komisionerësh në zgjedhjet e vitit 2017.
“Ndëshkim maksimal për të gjithë manipuluesit dhe falsifikatorët e zgjedhjeve. Ndëshkim maksimal do të ketë për të gjithë punonjësit e shtetit që keqpërdorin detyrën për presione, shantazhe dhe krime zgjedhore”, u shpreh Meta në reagimin e tij. /atsh
