Kryeministri Edi Rama ka zgjedhur një shprehje të poetit dhe filozofit amerikan, Henry David Thoreau për të përcjellë mesazhin e tij.
Përmes rubrikës “Fjalë të çmuara”, Rama citon thënien e filozofit amerikan, sipas të cilit duhen dy veta që të lind e vërteta.
“Duhen dy veta që të lind e vërteta: njëri që ta thotë tjetri që ta dëgjojë”, shprehet Kryeministri Edi Rama.
Mesazhi i Kryeministrit Rama vjen një ditë pasi mazhoranca arriti një marrëveshje me opozitën parlamentare ku u dakordësua që në seancën e 23 korrikut të votohet marrëveshja e 5 qershorit në Këshillin Politik dhe më 30 korrik të votohet për listat e hapura. Rama i ka bërë ftesë kreut të PD-së Basha që “të mos bëjë gabime të së shkuarës, duke refuzuar tryeza dhe të vijojmë punën së bashku”./atsh
