-Parlamenti do të vendosë më 30 korrik nëse do të ketë ndryshim apo jo të sistemit zgjedhor në Shqipëri.
Në Komisionin e Ligjeve dhe Legjislacionit, në mbledhjen e zhvilluar sot online kanë dëgjuar propozimin e opozitës parlamentare dhe kanë miratuar kalendarin e seancave dëgjimore me palët për ndryshimin e sistemit.
Kryetari i grupit demokrat në parlament, Myslym Murrizi prezantoi nismën e opozitës parlamentare, të firmosur nga 29 deputetë për ndryshimin e sistemit zgjedhor, pragun 5% për partitë dhe ndalimin e koalicioneve zgjedhore.
“Nëse shkojmë drejt listave të hapura indirekt kufizohen edhe koalicionet. Kjo që ne propozojmë sot, ka qenë e sanksionuar dhe në raportet e OSBE-së që në vitin 2008, ku ata kanë rekomanduar si sistem më të mirë është proporcional me lista të hapura, por nuk u dëgjua”, tha Murrizi. //atsh
