“Respektimi i rregullave nga ana e të gjithë qytetarëve ndihmon për të fituar betejën ndaj COVID-19”, shprehet ministrja e Shëndetësisë dhe Mbrojtjes Sociale, Ogerta Manastriliu.
Gjithashtu ministrja u bën apel qytetarëve që duke respektuar rregullat të gjithë bashkë do mundemi të fitojmë betejën me COVID-19.
“Kontribuo edhe ti, duke respektuar rregullat! Të gjithë bashkë mundemi ta fitojmë këtë betejë, duke treguar kujdes në të përditshmen tonë”, apelon Manastirliu.
“Ruani distancën 1.5 metër. Mbani maskë/barriera mbrojtëse kur nuk është e mundur të ruhet distanca. Lani shpesh duart. Dezinfektoni dhe ajrosni ambientet”, thekson Manastirliu.
Gjithashtu ministrja ka shprehur edhe njëherë mirënjohjen për punën e palodhshme të ekipit mjekësor dhe gatishmërinë e tyre në ndihmë të të prekurve me COVID-19.
“Vijojnë të bëjnë një punë të palodhur, ditë e natë, që përgjigjet e të dyshuarve për COVID-19 të jenë në kohë reale për të këputur në kohë zinxhirin e transmetimit të infeksionit dhe për të kufizuar përhapjen e virusit të rrezikshëm”, tha Manastirliu./atsh
