Ish-deputeti i Partisë Demokratike, Enkelejd Alibeaj shprehu sot shqetësimin për situatën e rendit në vend, pas disa ngjarjeve kriminale të regjistruara gjatë ditëve të fundit.
“2 vrasje mafioze në Krujë, 2 vrasje të njëpasnjëshme në Vlorë, njëra në formën e një atentati mafioz, 2 vrasje për larje hesapesh në Kurbin, shpërthim tritoli nga Tirana në Vlorë, ky është bilanci i policisë së Edi Ramës dhe Sandër Lleshajt brenda 10 ditëve të fundit”, tha Alibeaj.
Alibeaj tha se “mungesa totale e shtetit dhe lënia e territorit nën thundrën e krimit, ka krijuar një situatë të përkeqësuar për sigurinë e jetës së qytetarëve”.
“Vrasja e dyfishtë mbrëmë, në Krujë, është vetëm episodi i radhës, që ka plotësuar serialin e gjakshëm në vend, ku fjalët ligj, rend, siguri tashmë janë bërë të huaja”, tha ai./atsh
