Zëvendëskryeministri Erion Braçe, tha sot se çmimi i patates dhe i qepës do të jetë i njëjtë nga të gjithë fermerët e Divjakës.
Braçe thekson se patatja dhe qepa nga sot e tutje do të shitet me 40 lekë kg, duke iu bërë thirrje tregtarëve që të blejnë në Divjakë, për të shmangur abuzimet me çmimet.
“Këto janë çmimet e qepës dhe patates; Prej mëngjesit të sotëm, bujqit e Divjakës kanë vendosur çmimi i qepës së thatë: 40 lekë/kg’, çmimi i patates së re: 40 lekë/kg. Boll tregtarët morën mall pa lekë në Divjakë duke u pasuruar në kurriz të bujqve. Blini direkt në Divjakë! Mos blini në dorë të dytë e të tretë! Ejani në Divjakë e merrni mallin drejtpërdrejtë me këto çmime”, shprehet Braçe. /atsh
