“Brenda majit do të kemi planin tonë për turizmin”, – theksoi sot Kryeministri Edi Rama në një komunikim të drejtpërdrejtë.
Kreu i qeverisë tha se “sot fola me Kryeministrin e Kroacisë lidhur me turizmin dhe jemi në kontakt me disa nga vendet që e kanë turizmin si ne jetik për ekonominë e tyre, por edhe pjesë të pandashme të jetës së njerëzve gjatë sezonit të verës”.
“Akoma nuk dihet me siguri asgjë, por gjithsesi falë edhe gjithë edhe ndërveprimeve me të tjerë do ta kemi ne planin tonë për turizim brenda majit. Shpresoj brenda gjysmës së parë të majit duke parë me gjithmonë me vëmendje dinamikën e epidemisë, sepse është shëndeti mbi të gjitha”, – nënvizoi Rama.
Kryeministri u shpreh se “nuk do të lejojmë për asnjë arsye që të degradojë gjendja solide që kemi sot në frontin shëndetësor pavarësisht stresit, stresit që prodhon me shumicë për të gjithë ne për arsye të ndryshme fronti i jetës së përditshme”./atsh
