Zhaneta dhe Përparimi, bashkë me dy vëllezërit e tjerë janë rritur tek gjyshja, pasi e ëma u ndërroi jetë në moshë të re dhe i ati i tyre u martua sërish. Zhaneta sot në “Shihemi në Gjyq” hedh akuza të rënda ndaj nuseve dhe dy vëllezërve.
Ajo thotë se nusja e Kujtimit (njëri prej vëllezërve), i cili jetoi me gjyshen, e kishte mbyllur brenda këtë të fundit dhe e keqtrajtonte.
Përparimi i hedh poshtë akuzat duke thënë se ka punuar që i vogël në atë shtëpi e në fund s’mori asgjë.
Zhaneta: Nusja e vëllait tjetër kur ishte me gjyshen, e trajtonte shumë keq. I mbante me kyç vetëm që të mos hyja unë dhe mos të hynte njeri t’i shikonte, dhe gjyshen dhe tezen. Tezja ishte gjynah, ishte shurdh-memece.
Eni Çobani: Kush nuse, nusja e kujt ishte? Se kemi të bëjmë me disa nuse, të gjitha nuset nuk janë të mira?
Zhaneta: Gjyshja u paralizua, nusja më mbylli derën. Nusja e vëllait tjetër! Bashkëpunonin bashkë me vëllain, ky dhe ai!
Përparimi: Kurrë s’kam bashkëpunuar!
Eni Çobani-Përparimit: Ke marrë gjë ti aty te gjyshja?
Përparimi: Ku kam marrë gjë?! S’kam marrë. Unë kam punuar më shumë në atë shtëpi, që fëmijë, që 15 vjeç dhe derisa u martova…
Eni Çobani: Tani ju i thoni këto gjëra sot që gjyshja dhe tezja kanë vdekur, Kujtimi po na ndjek bashkë me bashkëshorten, duhet të jemi të pastër dhe të hapur. Pse kaq vonë Zhaneta?
Zhaneta: Gjyshja ka vdekur me kohë…
Eni Çobani: Ne motrat duhet të luajmë një rol paqësor me vëllëzërit, sidomos ju që jeni motër e vetme. Nëse del këtu përpara publikut dhe hedh të tilla akuza, për nuset dhe vëllezërit, duhen prova./tvklan.al
