Ish-gjenerali i Ushtrisë Çlirimtare të Kosovës, Jakup Nura, ka treguar për herë të parë historinë e fotos së ish-përfaqësuesit politik të UÇK-së, Hashim Thaçi, me komandantin legjendar, Adem Jashari.
Nura tregon që ishte vet ai që ka shkrepur foton.
“Në anën e djathtë është Hashimi. Është në shkallët e shtëpisë së një oficeri në Tiranë. Foton ku është Ademi me Hashim e kam shkrepur unë. E kam dëgjuar që kanë thënë se është fallc, por nuk është. E kam bërë unë. I ka gjy mtyrët e gjatë. Unë i kam fotografuar atë foto Thacit, se ai nuk e ka pasur. Në dhomë ku kemi banuar unë e Ademi e kemi bërë. Është ruajtur ajo foto, e pastaj ua kemi dhënë. Cdo herë dikush del e thotë se nuk është. Por në dhomën ku kemi banuar unë e Ademi pas një katër muajve, bile këtu është në krevatin e Ademit. Gjithmonë është dikush që kundërshton. Filloi si kundërshti politike. Por pastaj njerëzit nuk deshën të pranonin diçka të tillë. Por faktet nuk mund t’i kundërshtojë askush”, tregoi ai në emisionin Pressing në T7.
“Kapelat kanë qenë të Ushtrisë Shqiptare”, përfundoi Nura.
