Shorti i Ligës së Kampioneve që u hodh sot në Stamboll ka skicuar fazën në grupe të turneut, duke dhuruar përballje shumë të veçanta dhe sfida padyshim të forta.
Ajo që bie në sy menjëherë është se goglat kanë caktuar një “grup ferri” të mirëfilltë, atë C. Në këtë grup janë pozicionuar njëkohësisht Bajern Mynih, Barcelona dhe Interi, të tre skuadra me ambicie të mëdha për turneun dhe njëra prej tyre do t’i japë lamtumirën aktivitetit që në fazën në grupe.
Grup i vështirë edhe ai i Juventusit, që ka si kundërshtarë kryesorë PSG-në pretendente për trofeun dhe Benfikën. Ndërsa edhe Napoli nuk do ta ketë të thjeshtë me kundërshtarë si Ajaksi, Liverpuli dhe Rejnxhërs në grup.
GRUPET
GRUPI A: Ajaks, Liverpul, Napoli, Rejnxhërs.
GRUPI B: Porto, Atletiko Madrid, Bajer Leverkusen, Klub Bryzh.
GRUPI C: Bajern Mynih, Barcelona, Inter, Viktoria Plzen.
GRUPI D: Eintraht Frankfurt, Totenhem, Sporting Lisbonë, Olimpik Marsejë.
GRUPI E: Milan, Çelsi, Salcburg, Dinamo Zagreb.
GRUPI F: Real Madrid, Lajpcig, Shaktar Donjetck, Sëlltik.
GRUPI G: Mançester Siti, Sevilja, Borusia Dortmund, Kopenhagë.
GRUPI H: PSG, Juventus, Benfika, Makabi Haifa.
